Það er farið að líða þó nokkuð langur tími á milli skrifta núna en það má þá bara segja það að ég er bara búin að vera alveg orkulaus síðan ég kom úr fríinu mínu til Akureyrar. Ég reyndar fór með fjölskyldunni á keppnina í Motomos sl. laugardag þar sem að minn elsti var að keppa og vann takk fyrir og sérstaklega eftir þann dag er ég ekki búin að hafa neina orku til að gera mikið.
Ég er nú samt þrátt fyrir orkuleysið búin að vera dugleg að taka inn LDN-ið og gengur það bara mjög vel. Ég finn af og til mikla verki þ.e. taugaverki og gigtaverki en ég er farin að tengja það við kulda. Um leið og það byrjaði að kólna á kvöldin og næturnar byrjuðu verkirnir að aukast og eins og t.d. í dag eru bara 14°c og vekirnir eru á mælikvarðanum frá 1-10 svona 6 hjá mér. Ég varð að taka inn Gabapentin núna rétt áðan til að reyna að slá á verkina og vonandi virkar það.
LDN er ekki lækning heldur gefur manni meiri lífsgæði og er ég líka búin að sjá það og finna. Ég verð ekki eins þreytt og ég var alltaf. Jú ég verð þreytt en ekki eins. Ég reyni bara að leggja mig þó svo að það séu ekki nema kannski svona 10 mín í senn en það er alveg nóg til að halda áfram að gera það sem þarf að gera í hvert sinn. Ég á það nú samt til að sofna og þá fast inn á milli eins og í morgun en ég vaknaði við símann. Það var sonur minn að hringja í mig og biðja mig um að sækja sig í skólann en hann er í skóla í bænumm núna og strætó gengur voða asnalega hingað. En alla vega þá þurfti hann að hringja 3 sinnum svo að ég vaknaði, samt svaf ég ekki nema kannski í mesta lagi í 20 mín. Eitthvað segir mér að ég geti verið að byrja í kasti eina ferðina enn en ég finn fyrir meiri dofa v/ megin og meiri sleni. Ég vona nú að ég sleppi við kast vegna þess að ég er að fara á reunion 8 september nk. Ég verð bara að reyna að passa mig og fara vel með mig þangað til!!!

Jæja ætli það sé ekki komin tími á nýtt blogg frá mér eftir þetta dásamlega frí sem ég fór í norður til Akureyrar. Við vorum uppi á Hömrum allan tíman nema eina nótt sem var sú síðasta þar sem að elsta barnið varð að ná góðum svefni fyrir keppnina. En alla vega þá var þetta alveg dásamlegt. Það var æðislegt veður allan tíman og hitinn alveg mjög góður. Það má næstum segja það að við höfum verið í útlöndum á sólarströnd, veðrið var það gott.

En ég var dugleg að taka inn LDN-ið fyrir utan 3 daga sem að ég gleymdi því. En það varð enginn skaði af svo að ég held að það sé allt í lagi. Við komum heim á 11ta degi bara til að ná að hvíla okkur á þeim 12ta sem að við gerðum. Reyndar er heilmikill þvottur eftir sem að ég er enn að þvo en ég hef svo sem nógan tíma.
Það er bikarmót um helgina í Mótorkross í Motomos um helgina og erum við hjónin að sjá um hana ásamt nokkrum öðrum svo að það er líka nóg að gera í því en það er aðalega eiginmaðurinn sem sér um allt það erfiðasta þar. Ég þarf reyndar að fara í dag eða í kvöld að þrífa skálann en það á ekki að taka langann tíma. Dóttirin er að fara í nætugistingu hjá vinkonu sinni í dag svo að ég fer bara þegar hún er farin.

Ég átti ekkert voðalega góðan dag í gær en ég fékk ælupestina og líðan eftir því. Ég var með beinverki, hita, óglegði og magakvalir. Sem betur fer tók þetta bara sólahring því að í dag líður mér mun betur.  Ég er bara fegin að ég hafi ekki veikts á meðan við vorum fyrir norðan.

En nú ætla ég að fara að halda áfram að ganga frá eftir ferðalagið svo að ég kveð í bili :)